CHERITA NGUTIK

Nama rita kita semua? Ngarap ke gerai magang meh sekumbang nembiak kemisi skula diatu. Aku pan ngambi cuti meh ila kena hari empat nggau hari lima. Udah semaia deka begulai nggau lanting ati ku, indu jegit benama Gabby ba rumah. Kasih tudah, sekumbang H1N1 tu ndang nda dibai kami duai Papa ya bejalai2 agi meh, takut ke igi penyakit tu.

Nyadi udah puas ke betusi nggau pangan diri dia meh aku bisi berunding deka nulis dalam blog ku tu. Kasih tudah blog, nyo bekuap baru apdet baru kenu hahaha.. OK. Cherita ya bakatu. Nemu kita jalai nuju ke jalai kubur Sultan Brunei ba Santubong nya? Eeeiichakk, apin betusui ke cherita nyo nyeregu bulu utai kenu hahahha… ok ok, get seriouslah. Jalai nya berantu ko urang, berantu kati neh? Hmmm…. Bala pangan ku sigi udah ensepi dikachau ‘utai’ leboh sida nengah jalai nya. Aku berengkah ari cherita kawan ku ke benama Morgan.

Mork @ Morgan sigi rindu mutar ke steering kerita leboh malam hari begulai nggau bala sama gawa nggau iya. Nyadi malam nya sida ya nda nemu lah kebuah tak bisi runding ka nengah jalai nya, makai angin malam kenu. Jadi leboh masok ke simpang nya nda mukai2 tak nyelai endar utai nyadi. Malam hari tentu kitai muka lampu kerita neh benong driving enda pia? Nyadi Mork tu tadi ke ngemudi ke moto, iya madah baka ke mantul ba dinding lampu kerita ya. Aih? Nyelai amat tu, ko runding iya dalam ati nyin. Makin dipajak ke iya makin balat meh penguji datai, nda mukai2 pangan iya ke duduk di belakang nyo udah besampi, udah setengah nyabak, nyah nama nda? Nyo takut tudah pangan ya tu tadi.. “Mork, pulai aja kitai umbas agi ngelaban jalai tu”. Ko tudah. Mork lalu ngetu udah nya lalu reverse lalu pulai ke Kuching, sekumbang pulai nadai nama2 meh utai ngachau sida sebuat. Ba runding aku engka ‘utai’ nya nggai dikachau leboh malam hari. Ka relax kini?

Cherita kedua tu ditusi Vevian @ Yien kawan ku sama upis. Iya tu sigi berani mpu sepsis, bansa ke gila2 hahhaha.. hobi ya? Ghost Hunting. OK. Cherita tu ditusi ya ngagai aku leboh kami duai makai ngalih hari ba bilik upis aku. Nyadi leboh maia nya, laki ya bisi kursus ba Damai din, jadi Yien tu tadi nitih meh dudi mai indai sereta menyadi iya. Sida sebilik tu nitih meh tudah laki ya kin tang dudi, leboh ari udah belaboh malam. Nyadi maia tu Yien ke driving kerita nyadi iya tu tadi salah masuk simpang lalu masuk ke simpang jalai kubur Sultan Brunei tu tadi. Udah nemu diri ke salah masuk jalai dia meh Yien lalu begiga ke alai ngetu awak ke iya nyamai ‘reversed’ ke kerita. Leboh malik kiba kanan dia meh sida baru ngasai tempat sida nya naka penyelai. Rumah ke dipeda sida tak rumah lama, rumah kayu magang2 lalu ngena lampu kelita. Udah nya baru nemu jalai ditengah sida tadi jalai nya bebatu, ukai besemin! Udah nya sida tepeda ka jematan/titi mit. Apu, bakani deka mai kerita tu meraka tempat nya ko dalam ati ya nyin. “Reverse aja meh Yien, ka pun nda ni ulih titi jematan nya”. Ko mummy iya madah. Dia meh sida lalu nyurut ke kerita lalu pulai nuju jalai besai baru. Ari siti (pegila iya) sida pulai ke Kuching dia sida singgah baru ba simpang ke salah pasuk sida malam ti ke udah. Nyo nyelai ati sida sepemanjai jalai naka pemanah rumah sida Melayu ba dia. Rumah batu moden magang wai, jalai pan manah besemin ni bisi jalai bebatu! “Akai mummy. Enti kitai meraka jematan malam tadi kada ke enda pulai kita saritu”. Ko Yien madah nggau ati ti kesal.

Gambar: Kubur (Makam) Sultan Tengah (Sultan Brunei)

Cherita ketiga tu pan ditusi Yien mega tang nyadi ba kawan iya ke benama Jama. Kawan ya tu rajin ndar bejegau enggau akak sereta ipar ya ngena kerita raun2 ke Santubong/Damai. OK. Malam nya sida tiga raun ke jalai kubur Sultan Brunei nya mega. Sambil mutar ke steering sambil sida tiga berandau ranchak. Udah nya nda nemu nama kebuah ipar Jama tu tadi tak alu badu bejako lalu mai sida semua pulai ke rumah. Udah datai ba rumah baru ya mansut ke jerita. Leboh ipar ya malik meda chermin belakang, dia ya tepeda ke siko lelaki duduk berimbai nggau Jama.!! Nyadi lelaki tu amat sigat besai tinggi gamal ngena pekayan, gari urang kelia. Bisi ngena tanjak (headgear) skali baka pahlawan Melayu kelia!! Tang nyelai amat leboh iya malik ke belakang, semina Jama aja dipeda iya. Laban ke panic, nya iya lalu mai sida beguai2 pulai. Jama pan madah bisi ensepi bulu nyo gelesi nyeregu leboh mansa jalai nya.

Nya meh naka cherita ngutik, cherita seram ari aku. Mupok dulu, eh?

Anang malik ke belakang eeihii hiiii eiiii eiii………

URANG TUAI PENYIBUK

Nadai hukum dalam dunya enti kitai kelalu sibuk tauka kiruh ke anak. Kiruh tu maioh macham bansa kiruh. Bisi kiruh nanya kini penunga anak bejalai, enggau sapa ya bejalai, laun ke tumu ya pulai.

Nyadi cherita tu bekenang ke Aki Endu tu nang penyibok tahap Gaban! Kini penunga apai Endu bejalai sigi ka ditemu ya. Nadai ngachau nda pia laban sigi apai nang mesti nemu pengawa anak. Tang ba runding Indai Endu, entua ya tu tekelalu penyibok. Apai Endu sigi enda entu berapa meda perangai apai ya ke sibuk deka nemu nama pengawa ya bersari-sari. Aki Endu tadi laban ke takut ke anak ya; lalu Indai Endu tadi meh nyadi mangsa ya.

Ukai skali dua, enti Apai Endu keluar, pansut betemu nggau client ya mesti ka nemu nama projek ke diadu lalu berapa ongkos. Apuuuu... tudah ke bini meh enda nemu laban takut ka nanya laki. Iya ke lebih2 deka nemu. Enti nda dipadah, lalu Aki tu tadi tegenong di ruai sehari2. Nama utai dirunding ya dalam pala, gila ka kaya kini.

Baka sari kemari, Aki nanya Indai Endu kini penunga pejalai iya. Lalu ko indai Endu, bejalai ah Pai nggau kawan ya sama belajar ba college kelia. "Nama bisi projek pia? Berapa ulih sida?? Akai,naka pemedis hati ku ditanya bekenya. Cubalah nanya anak diri mpu, tudah udah makai ke bedau, laun ke tumu pulai legi etc. OK. Tiap2 hari mesti ka temu kini penunga, bisi LPO dah pansut? Berapa projek bulih bulan tu? Baka cibai aja nanya bekenya. Kra enti Aki Endu tu brengkah nanya utai, Indai Endu sigi ngerari ke diri.

Kelimpah ari nya, aki Endu tu sigi rindu ngemending ke urang berandau. Nadai salah pia, narit bangku lalu join sekali berandau tang legi ngaga diri bebuai ke uras, begantung ke kunchi kerita udah nya bejalai lubah-lubah awak ke bala bukai nda ninga singkang kaki iya. Chitt!

Ukai nggai ngelayan tang nyo begedi ditanya munyi nya. Nadai randau sereta tanya bukai. Rindu agi berandau enti bekenang ke pasal pengawa, pemedis ngadu utai. Nama, takut ngeluar ke duit ujung bulan ka enti nadai maioh sales? Simpan meh duit nya dikena meli ai bisa, meli beer betin tin. Nadai bala uchu bala anak ngachau deh aki.

Minta ampun enti ngerichau tumu pagi. Kisah benar tu nyadi di rumah kami. Sigi sengaja meri nama samaran.

INDU CHERIDA

Ngalih hari kemari aku ke jamban upis laban ka kemi udah nya ka masu mug/changkir ku. Nya ku tepeda ke cleaner kami benong bepanchit ke ai ba jamban pengambis ujong.


Coki: Nama gaga nuan kak?

Cleaner: Tu ah, manchit bekau puk*k kemi nda nemu narget lubang.... adaka patut kemi ba atas semin?

Coki: Peii..raya nya kak, besai amat ga lubang nyo terperanchit!

Cleaner: Nya meh Pat.... baka ke enda sekula...... kati ke nda nemu kemi ba jamban!


Nama runding sida ba upis tu? Sida cleaner nya taja nda tinggi skula nemu ngintu pemersi jamban. Paloi. Mekap aja tebal, perfume aja nebat lubang idong, kemi pan alah anak aku ke agi skula rendah. Cleaner nya ukai menatang, sida mensia, kelimpah ari bebasu ke jamban, bekau kemi kita sida iya maioh pengawa bukai agi baka besapu, be-vakuum, bebuai sampah, ngelap mija etc.

Nyo meh kebuah kadang2 begedi ku meda bala sida tu kemi baka nama ba jamban. Sarinya tudah kakak cleaner bebasu ke jamban ke bisi bekau 'bijirin' sereta sayur akaidai, ka mutah aku! Kati ke engkilu udah birak nyo ngachir ke tai ba semin?????

Bisi untak berunding kedirilah, kitai udah tuai, pelajar tinggi........ Kati ke ngajar anak enti indai pun lebih kurang??